اشعار في بني رشيد عبس

اشعار في بني رشيد عبس

الشــــعر بوصـــف بني رشيد ( نسب - معرفة )


بقلم عمر الرشيدي

من شعراء القبيله والقبائل بشتى ذكر بني رشيد ان كان بنسبها او مواقفها وعادتهم وتقاليدهم ..



الشعر ديوان العرب ..

انه لشعراء قبيلة الرشايدة موضوعات شعرية كثيرة ومايهمنا منه هو ماكتب عن أنسابهم سواء كان هذا الشعر عربياً فصيحاً أم نبطياً شعبياً .

ولشعراء القبائل الكريمه ذكر لبني رشيد بنسبهم العبسي الغطفاني او بعاداتهم وتقاليدهم ومواقفهم الطيبه ..

وهذه القصائد تم تجميعها وهي بعض وليست كلها .. فالغير موجود من القصائد بالقبيله بهذا الموضوع السموحه لأصحابها نعتز بقصائدهم .. لكن عدم نقلها لعدم وصولنا اليها ...


شعراء القبيلة في وصف نسبهم وعاداتهم وتقاليدهم ومواقفهم ..

أولا : الشعر العربي الفصيح :

1- الشاعر علي بن عبدالله بن ناصر الرشيدي :

وهو شاعر ذا اتجاه إسلامي ويمتاز شعره بأنه جزل ويميل إلى الحماسة والفخر والحكمة .
وله قصيدة بعنوان (( الديار )) يتذكر فيها أيام عبـس وماكانت عليه من مفاخر وهو ينظر إلى تلك الأطلال وينظر إلى بقيتهم الباقية وهو قبيلة الرشايدة فتحول هذا الشعور والأحساس إلى قصيدة فيها كل معاني الذكريات الجميلة فيقول الشاعر :


سلام على كل القرى في ديارنا = سلام على كل الهجر والجبال
سلام على دنيا الخلود ومن بقـى = سلام على الوديان في أرفع مجال
تذكرت عصراً فيما كان نصرنا = وليس زمان الصمت فيه مجال
تذكرت (( عبساً )) في كثير طردها = سباق الخيل بين شعب وجبال
وكانت (( لعبس )) في النهار مفاخر = تناقلها جيل على أثر اجيال
وهذي ديار السابقين وبعدهم = ديار بقايا (( عبس )) ليست خوالي

وللشاعر علي الرشيدي قصيدة أخرى طويلة نذكر منها مايلي :


أتهضمني أسمي وماكنت ظالماً = لقومي وليس ظالم القوم من صحبي
وتهضمني أسم القبلية جائراً = لقومي وليس جائر القومي من شعبي
فناديت قومي أن عدنان دوحتي = وكم فرقت عدنان قوم من الشهب
وعبس وذيبان حروب أثارتي = حروب سباق يؤخذ الحق بالغصبي
ولولا حماة الدار من كل فارسٍ = لثأرت حروب من فياف ومن كثبي

2- الشاعر حمد حميد الرشيدي :

هو الشاعر حمد بن حميد بن فحيمان الذيابي الرشيدي وله قصيدة طويلة موجهة إلى العلامة الشيخ حمد الجاسر حيث يقول فيها :


لقائي بمثلك ياجاسر = لقاءُ يسعد الخاطر
تمنيته منذ سنين مضت = وقد حفى شوقه الغامر
ولي شرف بك أن ألتقي = ويجمعنا مجلسُ عامر
يطيب حديثك في صدره = ويغدو يردده السامر
أيا عالماً خالداً ذكره = ينادي بأوله الآخر
رفيق الصحافة في عصره = ورائدها فذها النادر
يمامته حلقت بأسمه = وأنشده ذلك الطائر
رعته الجزيرة في حضنها = وخرجه مهدها الطاهر
بلاد هي الأم لا غيرها = وآل سعود أبُ ساهـر
على أرضها نبع العلماء = ومن بينهم أنت ياجاسر
جهودك ياشيخنا أثمرت = بذرت وماخبت ياباذر
قطفت الثناء الجليل الذي = به راح يذكرك الذاكر
واتحفتنا ياسمي بما = يحاربه الناظم الناثر
تكل القوافي بأوصافه = ويدهش رسامه الماهر
بعدنان ألحقت أنسابنا = صراحاً وإن أنكر الناكر
ذميم تآليفه اجحفت = وكل لسانٍ هذى جافر
ومني تحية قلب إليك = رشيدية أصلها عاطر

وللشاعر حمد الرشيدي قصيدة أخرى خاطب بها الشيخ الأديب عبدالله بن محمد بن خميس حيث قال فيها :


بآدبنا يا ابن الخميس تعبثت = عقول تفادى غربها مطلع الشمسي
تهيم بداجي الجهل غير رشيدة = تثور على نجم هذى أمرؤ القيسي
موازينها خفت بأدب ضادنا = كيوسف لما بيع بالثمن البخسي
ونحن الذين استعذب الجن نطقنا = وأرسل منا خاتم الرسل للأنسي
لنا لغة فاق اللغات بيانها = لها نبرات تنفث السحر في النفسي
ولكن أرى ياابن الخميس شرذماً = تهيل تعازيها على أمسنا المنسي
فثارت بنفسي نخوة عربية = رشيدية نادى بها نسبي العبسي
فهيا معي ياشيخنا يا أديبنا = لنقرأ على شيطانها آية الكرسي

وله أيضا قصيدة طويله جدا جدا يقول مطلعها :


أنا الرشيدي عبسُ قد حمت نسبي = قبيلة مجدها فينا تخلده
من أصل عدنان أرحام موصلة = لها وللقول تاريخ نشهده
حب الوفاء وزجر النفس من شيمي = دين ودينا لوجة الله أفرده

3- الشاعر محمد فلاح الرشيدي

هو الشاعر محمد فلاح فالح الرشيدي من الشعراء البارزين ومن اصحاب الأتجاه الإسلامي وله القصيدة التالية :


مضيت العمر في كللٍ = وفي هم وفي غمة
فإن الصبر يسعدني = ولاعقلي ولا حكمة
صروف الدهر كاظمة = تهاجمني بلا رحمة
وأيام تحاورنـــي = حروب الثأر والنقمة
لقد حارت بي الدنيا = وأعمت ناظري اللطمة
صراع بين أعماق = سبيل المجد والقمة
أريد الناس أخوناً = ولا بغض ولانقمة
يعيش الكل أحباباً = وأهوى الخير للأمة

ويقول العياد تعليقا على هذه الأبيات (( قوله حروب الثأر والنقمة يقصد بها حرب داحس والغبراء التي وقعت بين عبس وذيبان ))

ثانياً : الشعر النبطي :

للشعر النبطي جذور قديمة فهو لايقل أهمية عن العر العربي الفصيح بل هو الشعر السائد بين شعراء القبائل العربية وهو من الأدلة لديهم في توثيق الأخبار والروايات .

وبهم في مجلس التعاون برنامج أسبوعي يجتمع فيه الشعراء لإلقاء قصائدهم بل لا تخلو صحيفة رسمية أو مجلة إلا وقد جعلت صفحة شعبية لشعراء البادية .

ومن شعراء قبيلة الرشايدة على تفاوت أعمارهم من الشعر النبطي في نسبهم الكثير وبمناسبات عديدة وسوف نورد بعض هذه القصائد :


1- الشاعر محمد بن بداي الرشيدي :

هو الشاعر والفارس محمد بن بداي بن حمد الرشيدي وهو من فخذ الجلادان من قبيلة الرشايدة وله قصيدة في إحدى المعارك قالها قبل توحد الجزيرة العربية على يد الملك عبدالعزيز رحمه الله والقصيدة كالتالي :


الله ياكونن جرى في نهار أمس = تشوف قدح الملح مثل السحابة
دم النشاما سايلن كنه الدبس = تسعين لحية كلبوهم قرابه
حنا حبسناهم بواد الغضا حبس = حتى أمتلا ذاك الجبل والشعابة
وكم خفرتن من ظربنا شفة اللبس = لبسة سواداً عقب زاهي ثيابه
هاذي عوايدنا ليا ثور القبس = نلحق على درب الطلابه طلابه
حنا هل العادة سلايل عبس = كم عايلن يزمي وحنا عذابه



-2 الشاعر مربح عوض الرشيدي :

هو الشاعر مربح عوض مربح حمد الرشيدي وله هذه القصيدة وقد أشار إلى نسب قبيلته الرشايدة إلى عبـــس


قال الذي وايق براس البنية = قام ايتذكر يوم واق المنيفات
قمت أتذكر وش ماضٍ عليه = وجروح قلبي بالضماير خفيات
ونيت ونة من عمل له قضية = حكم عليه الشرع تسعة سنوات
أذكر اربوع يحتمون الونيه = بني رشيد أهل الفعل القديمات
أولاد عبس اللي تحل القضية = اللي لهم بالمجد وقفة وعدات
الله على هافٍ يبوج الدوية = صنع الأمريكي ممنن بالسبيرات
لادق طبلونه على أرقام ميه = يازين سكانه ودق النبيرات



3- الشاعر عيد بن مربح الرشيدي ..

نعم رشيدي من بني عبـس غطفـان من قيس بن عيلان شجرة جـدودي
تحت مسمى عبس واشجـع وذبيـان تلقى عناوينـي ومجـدي وجـودي
هرجٍٍ على صدق وحقايق وبرهـان حقايقٍٍ تـد مـغ دمـاغ الجحـودي
حقايقٍٍ تـروي معانـي خبـر كـان بخطـوط كوفيـة بصـمّ الحيـودي



4- الشاعر سعدان الرشيدي

هو الشاعر سعدان عابس الرشيدي وله عذة قصائد نبطية يتجلى فيها نسب قبيلة الرشايدة إلى عبس ومن ذلك قوله مخاطبا الشاعر عبدالرحمن العطاوي العتيبي حيث يقول :

أقول إن سلايل عبـس حنا = منزحت الأعادي بالطعاني
لنا تاريخ يشهد بالشجاعة = وفي مـس الكرامة ما نداني
نعز الجار والضيف عن لفانا = قراه الطيب والحيل السماني
سلايل عبـس معروفٍ نسبنا = مثل ماقلت في قول نصاني
رجالٍ العرف تدري بالحقيقة = ولا يكمي الصيحي إلا الهداني

5- الشاعر ناصر بن عياضة الرشيدي :

وله قصيدة جميله في تسلسل نسب قبيلة الرشايدة من عبس إلى عدنان وأشار فيها إلى بعض المواقع من ديار الرشايدة حيث يقول :


يـا جاهـل فينـا تسمـع للأخبـار =تسمـع علـوم الطيـب والطيبينـا

حنا بنـي رشيـد بالعـز والكـار =بديـارنـا وحـدودنــا بينـيـنـا

ندرا الخوي ونكرم الضيف والجار= ونصبر على البلـوى ليامـن بلينـا

ودخيلنا حنا بعيـد(ن) عـن النـار= كلـن يهيبـه مـن سواعـد يدينـا

حنا سلايل عبس ماضيـن الأذكـار =لسلومـنـا وجـدودنـا حافظيـنـا

من عبس بن بغيض في قر وقـرار= وحفاد ريـث مـن قديـم السنينـا

أحفاد غطفان وسعد ماضي الأخبار =من قيس بـن عيـلان منـا وفينـا

وابن مضر هو ساسنا وابـن نـزار= مـن سلسلـة عدنـان متسلسليـنـا

احدودنـا وجدودنـا مابهـا انكـار =لحـدودنـا وجـدودنـا عارفيـنـا

يحدنـا خيبـر علـى حـرة النـار= ويردنـا سـور المديـنـة يميـنـا

وادي الرمة ناخذ به يميـن ويسـار =على العلـم والضعـن والشعبتينـا

ولنـا ببانـات المطـلات معـبـار= أربوعنـا لحـدودهـن محتميـنـا

ذي دارنا اللـي مانبـا غيرهـا دار =اديـار أهلنـا القـديـم الأوليـنـا

للخيـر فعالـه وللـشـر قـهـار =وايضا على هـدى النبـي مهتدينـا


6- الشاعر نجا مفلح بنيان الرشيدي

وله هذه القصيدة وقد ذكر فيها نسب الرشايدة إلى عبس ومنها :


حنا بني عبس العربية جدودنا = ورشيد جد وفتخر به قبيلة
أفعالنا تشهد لنا من وجودنا = تشهد فعايلنا سنين طويلة
هذي مناهلنا وهذي عدودنا = حامينها فوق المهار الأصيلة

7- الشاعر مبارك رشيد الرشيدي :

وله قصيدة طويلة نذكر منها مايوافق مضمون الموضوع وهي كالتالي :


قبيلة عزيزة نجمها بالسما ماغاب = رشيدي يلحق بعدنان في صيبه
لها بالجزيرة سمعتٍ ترفع الأحجاب = تعز الخوي والضيف تفعل مواجيبه

8- الشاعر الهويمل فهد بن عجوين الرشيدي :

وله قصيدة طويلة نذكر منها مايوافق مضمون الموضوع وهي :


حنا سلايل عبس في قر واقرار = غصب على اللي لفعلنا منكرينا
منا الشجاع اللي تجي عنه الأخبار = عنتر ولد شداد ذرب اليمينا

9- الشاعر حميد فحيمان الذيابي الرشيدي :

الشاعر حميد الذيابي من كبار شعراء بة الجزيرة العربية ولقبه الأمير الشاعر محمد الأحمد السديري بقوله (( شاعرنا )) أو (( أمير الشعر )) ويشهد على ذلك كل من الشاعر رشيد الزلامي العتيبي والشاعر حجاب بن نحيت والشاعر راشد بن خر الذيب العجمي .
ولشاعرنا حميد الذيابي كتاب قيم وأشعار مبدعة وأسمة (( مدينة الأشعار في شواهد الأخبار )) وله فيه أشعار كثيرة تطرق بها إلى نسب الرشايدة إلى عبس وغطفان وله قصيدة جميلة ومبدعة وهي المسمية بالملحمة الرشيدية ومنها يقول الشاعر :

حل نجع من بنـي عبـس وسـار = وقر في ربع الجزيـرة واستتـدار
ودار عن يثرب بناحيـة الشمـال = وغربي البيضا إلـى وادي البيـار
وحدنا واد الرمه من صوب نجـد = ومن ورا ضرغط ونقصر عن قفار
شف منـازل قيـس دار اجدادنـا = يوم ينزل في حجا تلـك الحـرار
شف كـلام النابغـة ذبيـان قـال = من بني غطفان يفخر فـي نـزار
اصلنا عدنـان بالقـول الصحيـح = في مضر و في معد وفـي نـزار


وله أيضاً
بني رشيد اللي منازلهم العلا = وبني عبس حنا قبل قيل وقال
وبني قيس بن عيلان والدار دارنا = بها يدرك العليا نجيب الخال
وأبان الأسمر والأحمر في ديارنا = بهن يمن الجالي مع الدخال

وله أيضاً:


حنا بني عبس والأخبار تكفينا = وحنا بني قيس والتاريخ يثبتنا
نعرف تواريخنا ونعرف مماشينا = ولا به قبايل برد الفعل كادتنا
حنا بتاريخنا عدنان حاوينا = لاشك دونه قبايل من قرابتنا
وفي قرن ثامن عيال الزول سمينا = يوم القبايل بغربي نجد ضدتنا
حيث القبايل قبل قامت تعادينا = ومن عز هيبتنا بالفعل هابتنا
وحافظ سلفنا على الحرة وتالينا = وأيضاَ شمال المدينة في حمايتنا

10- الشاعر جمعان خلف الرشيدي :

وله قصيدة طويلة نذكر منها مايوافق مضمون الموضوع وهي :

قال جمعان في بدع البيوت العجيبة = يعتزي في بني عمه شيوخ الرجالي
أعتزي وأنهم الطيب براس الجديبة = يوم صارت علينا مثل يوم القتالي
يابني عبس مانرضا علينا الغليبة = ياسلالة بني عدنان وين العيالي

11-
الشاعر فواز عوض الرشيدي :

ومن طبعنا المشهور كلن فهمنا = ونطش للضيفان روس البعارين
ومن زارنا بالشر ياما شتمنا = في يبست الأرياق بالحيل قاسين
وحنا بني رشيد لامن عزمنا = أولاد عبس اللي على الطيب ضارين


12- الشاعر حباب السندي الرشيدي

وله عدة قصائد في نسب قبيلة الراشيدة إلى عبـس ومنها قوله :

بني رشيد معربين النسابة = أولاد عبس اللي لها الأصل منسوب

وله أيضاً

ولي الفخر في مدح ماضين الأمجاد = قومي وأنا منهم أكرام الأيادي
عبس العريقة بالوفا طيبها زاد = امدللت وضحٍ رعت كل وادي

وله أيضاً :

إن كان تنشدني تراني رشيدي = أصلي وفصلي يافتى من بني عبس
بني رشيد اللي تضد الضديدي = كان الشفاة من الزعل ريقها يبس


13- الشاعر سعد دابس الرشيدي :

وله قصيدة ذكر فيها نسب الرشايدة إلى عبس ومنها :

هذا ولا ودي يطول المجالي = جينا وعبرنا مثل كل من جاب
جماعتي بأرواحها والحالي = كلٍ حضر ماحدٍ تعذر ولا غاب
بني رشيد اللي تفك التوالي = من ساس عبس اللي يفكون الأنشاب

14- حامد بن عجوين الرشيدي :

وهو شاعر يعد من قدماء شعراء قبيلة الرشايدة وله أبيات شعرية في نسب قبيلة الرشايدة إلى عبـس وذلك أيام الجهل الذي عم شبة الجزيرة العربية قبل أن تتوحد على يد الملك عبدالعزيز آل سعود رحمه الله ومن هذه القصيدة :


شيخنا وان درهموهن بالهزيم = سابقة عرجاء خلاف اللي نخاه
وان تلاقوا باللقاء يرو المحيم = يشبع الذيب ما يجحد ثناه
كان تسلنا نفيدك ياغشيم = كم غدير صافين نخص ماه
حنا عيال عنتر بني عبـس القديم = فارس الفرسان عطبين الرماه


15- الشاعر هديبان العويمري الرشيدي :

وله هذه القصيدة وأشار بها إلى نسب الرشايدة إلى عبس ومنه قوله :

بني رشيد اللي من أول إلى الآن = سلاحهم يعبأ لرأس المعادي
عيال عبس مطوعة كل غلطان = مثل الحرار اللي جردها الهدادي

16- الشاعر منير سليمان المضيبري الرشيدي :

وله قصيدة في ذكر نسب الرشايدة إلى عبس ومن ذلك قوله :

هلا هلا بشجعان في حفل شجعان = بني رشيد مع القبايل خبرها
بني رشيد أولاد عبس وغطفان = وكبد المعادي بالمشوك شقرها

ويقول الشاعر عيد بن مربح الرشيدي

نعم رشيدي من بني عبـس غطفـان من قيس بن عيلان شجرة جـدودي
تحت مسمى عبس واشجـع وذبيـان تلقى عناوينـي ومجـدي وجـودي
هرجٍٍ على صدق وحقايق وبرهـان حقايقٍٍ تـد مـغ دمـاغ الجحـودي
حقايقٍٍ تـروي معانـي خبـر كـان بخطـوط كوفيـة بصـمّ الحيـودي

17- الشاعر مسعود سند بن سيحان الرشيدي :

وله قصيدة طويله مرسلة للشاعر حباب بن سندي الرشيدي وقد ذكر فيها :

حدوهم عيال الزول في واضح النقى = بواد السناف وراعي السو بعباله
خمسة من عيال الدعيجي تحدهم = من الصبح لينه شرف الليل بقباله
ونعم بابن بادي دايم نقوله = والفين نعم براعي الطيب وعياله
أنا سمع بها من يوم وانا كنت جاهل = ولاهمني هيس يهوشك بتقزاله
ترى ذي طبايعكم وهذي فعولكم = من الساحل الغربي اليا سيف وسهاله
انشهد بها كل القبايل وتخبرك = بني رشيد مطوعت من خبث فاله
ربعي عيال الزول من خيرت العرب= شيخانا تعرف ولاهيب خستاله


والقصيدة أطول من ذلك والشاهد في قوله (( عيال الزول )) وهو رشيد العبسي وسمي بالزول لطول قامته .




18- الشاعر اصلحان فلاح بن بدوي الرشيدي :

ليا جا نهار فيه خوف وقطاعة = بني رشيد مطوعت كل غلطان
عدنان منسبهم وهم من باعه = مافيه لا شك ولافيه بهتان
والجد عبس ليا تكرر نزاعه = غصباً على الزعلان علم بوكدان
ومواطن الجدان شاعة وقاعة = حرار خيبر عالية نجد وابان

19- حداء رعاة الأبل :

يقول الأستاذ الطيب (( يقول رعاة الأبل من بني رشيد ضمن حداء الأبل ))
بركن حيران عبس = بين ظل وبين شمس

20- الشاعر مساعد ربيع الرشيدي :

وله قصيدة في مدح قبيلة الرشايدة :

خلي علوم مسسين المرازيم = وأخذي علوم مصمصمين القريحة
حنا طنايا عبس يامذير الريم = حنا مقابيس الوغى يامليحة
ويقول ايضا :

بني رشيد لا عتم الجو تعتيم = ما للردي فينا ملامح وليحة

الشاعر عاصي بن عيد بن عطران الرشيدي

بني رشيد أهل الفخر والكرامة = فكاكة التالي بغيبات الأذهان
وشيوخنا كلٍ براسه زعامة = أهل الشرف في عصر نوح وعدنان




من شعراء القبائل الكريمه بذكر بني رشيد ( نسبهم - عاداتهم وتقاليدهم ومواقفهم )


من شعراء القبائل في ذكر عبس وبني رشيد

الشاعر عبدالرحمن العطاوي العتيبي :

وللشاعر قصيدة موجهة للشاعر سعدان بن عابس الرشيدي وقد ذكر فيها نسب الرشايدة ونختار منها مايوافق موضوعنا :


هلا عدد ما هلل المحرم وكبر = وطاف وشاهد الركن اليماني
بعبسي النسب جزل المثايل = خلافة عنتر العبسي ضماني

والقصيدة أطول من ذلك وقد أجابه الشاعر سعدان بن عابس الرشيدي بقصيد على نفس الوزن والقافية وجاء فيها :


أضفت بتالي الأسم الإضافة = وقلت الصدق والمعنى دعاني
أقول إن سلايل عبـس حنا = منزحت الأعادي بالطعاني
لنا تاريخ يشهد بالشجاعة = وفي مـس الكرامة ما نداني
نعز الجار والضيف عن لفانا = قراه الطيب والحيل السماني
سلايل عبـس معروفٍ نسبنا = مثل ماقلت في قول نصاني
رجالٍ العرف تدري بالحقيقة = ولا يكمي الصيحي إلا الهداني


الشاعر عايد رغيان الشراري :

وله قصيدة موجهة للشاعر حباب السندي الرشيدي ونذكر منها ما يوافق مضمون الموضوع وهي :


مشكور يا ابن عبس بالأعراب = ضمن البوادي يا زبون المخلاه
مادام رزقي كافله رب الأرباب = والعبد ماله غير صدقاه تقواه
والشمس تشرق بالسما والهوى هاب = والكون واللي به مخاليق مولاه
عندي شهادة كان للحق طلاب = لا أريد حسناها ولا أريد جزواه
ماني من اللي يذكر الحق بحساب = وأنتم بعبـس ولا بذلك مراواه
غطفان بيته ماسكينه بالأطناب = وأنتم عموده رافعينه بمبناه


الشاعر عبدالرحمن طلق الخويتم العتيبي :

وله قصيدة مرسله للشاعر موسى بن عمران الرشيدي ومنها قوله :


لكان دور من بني عـبس مقباس = مقباس الظلما بليل الغلاسي

الشاعر ناجي سعد الصندلي السبيعي :

وله قصيدة موجهة لأحد شعراء الرشايدة وقد جاء فيها :


أشغلتني وودعتني تقل حماي = بين العرب دايم أهز بعصايا
منك وعشيرك ماتسوي سواياي = انشد بني عبس السباع الدهايا
وانشد سناعيس الجبل وابن عصاي = وهوازن اللي يكسرون الغزايا
وميمون حمران النواظر وعلواي = وعناز لا لحقو خلاف الخلايا
وحرب العريضة لا دعا صوت دعاي = كم طاح في دقلاتهم من هفايا
وجمع البرية كلها تسمع نداي = أني مدورها وطرح لقايا

وللشاعر قصيدة يرد بها على الشاعر العقيد بن منصور بن قعبوب وجاء في قصيدته مايلي :


عندك قريبة من بني عبس الأشراف = ماهي بيم الصوب ومغرزاتي


وقال باجح بن عبيد الله العنزي عندما كان مجاوراً لجماعة من قبيلة بني رشيد قصيدة منها هذه الأبيات :

لي جيران يعزون يا عيد

من رافق الطيب عن العفن شامي

أنا فهم تلقى الدلال البغاديد

ومحماس بن دب الأيام حامي

لبتني معهم على كيف ماريد

ريف الضعيف مسيحين اليدامي

من لابة يستاهلون التماجيد

رشايدة ودخيلهم ما يضامي



الشاعر عبدالله بن عبار المعنى العنزي :

هو صاحب كتاب (( أصدق الدلايل في نسب آل وايل )) وله قصيدة طويلة في مدح قبيلة الرشايدة نذكر بعض منها وهي :


قلنا الحقائق والخطا مالنا به = نترك مجاله مالنا فيه مقصود
ونرد قيل اللي الفخر يلتقا به = درب الرذيلة بابها عنه مسدود
ياشوق من يزها الأصابع خضابه = نشمية ماله شديا مع الخود
من عزوةٍ يثنون يوم الحرابة = نطيحهم يقفى من الطعن مسرود
في ساعةٍ والسيف يقطر انصابه = والجو يقد حبة باريد بارود
بني رشيد اللي تفك النشابة = منسبهم حظة ضعيفاً ومقرود
يوم الفعول أو يوم دور المجابة = دور النضا والشلف والخيل والقود
بعصور من حث المطايا ابعقابه = كلن هجينه ساريا العقب ملكود
كم خيراً صنديد ما ينصخا به = مقدام غوش ولابساً جوخ ماهود
رموه يوم العج يسمك ضبابه = دوار صيد أو بينهم صار مصيود
عقب العليا خلوه يشكي صوابه = من عقـب ماهو صايلن عاد ملهود
يوم انثنا يشمت شوير غزا به = يابا القطيع أولا خذا منه مفرود
عقب الطمع صار الغنيمة ركابه = ياريف من جاكم من الوقت مضهود
مدحتكم ياهل الفخر والمهابة = ياريف من جاكم من الوقت مضهود
نعمن بكم يوم الرشا بكترابه = أو نعمن بكم والدور بسهود ومهود


وله أيضاً


ليا جيت بن سندي فدوة الدعابيل = عطه الرساية للفهيم يهجاها
من لابةٍ تنطح قبال المقابيل = رشايدة بالكون يقهر عداها
ليا طار ستر منظفات المجاديل = قبيلة تحجي ويذري ذراها
ولا قبل بالمخلوق مير المكاييل = أدخل على الله مانشح بعطاها
قبيلة ما أذمها بالمفاعيل = من زان حظه باللفا ما شناها
يا ما بهم من خيرين قواتيل = نمر ليا خم الفريسة رماها


الشاعر رتيبان مقعد المجمعي السبيعي :

لقاك ريف الضعيف الجار والخوي

بني رشيد مدلهين الجاري

ناس الوفاء والطيب والعز والسخى

ومن غير ذلك فيهم الوقاري

هل كرمة توجد على كل جزه

ومهيلات فوق جمر الناري

يشهد لهم تاريخهم بفعالهم

بني رشيد معذبت الأمهاري

على العدو سم سقطري قاتل

ودخيلهم ما تحلقه الأخطاري

فرح بهم بالضيف من قل جهده

سعد الرفيق وللعدو أشدادي

بني رشيد مطوعين العاصي

وحرار من ساس الجدود أحراري

الشاعر حمد المطبوخ الهاجري :

وله قصيدة في مدح براك ناصر النون الرشيدي وجاء فيها :


مجذوب من ربعٍ لهم صيت وعلوم = ما هو بخافينا ولا هو بيخفاك
واللي ينافق عند الأشراف مذموم = يقوله اللي معجبٍ في سجاياك


الشاعر محمد خلف الخس المطيري :

وله قصيدة موجهة للشاعر حميد الذيابي الرشيدي رحمه الله وفيها يقول :


وانصفق مقضى تاصل لحية يدينه = لو يباري القطاة اللي تقلب سبقها
أشقر من نسل شقران متخيرينه = من حرارٍ يعرفون الرجال وامعمقها
أوصله شاعرن كل العرب خابيرنه = كم بيوت مثل نظم الجواهر طرقها
هو حميد الرشيدي كلكم عارفينه = المعاني مع أهل العرف يفتح نفقها


الشاعر مسلط الشيباني من عتيبة هذه الأبيات من قصيدة طويلة :

بني رشيد اللي ليا صاح فزاع
تشبع نهار الكون جايع سباعي

الشاعر عبدالرحمن عتيق الجهني :

وله قصيدة قالها في الشاعر حميد الذيابي يقول فيها :


ماجاب بالمعنى ضعيفة وميله = معذى جنابه عن كلام الخمالي
أنا أشهد أني من سلايل قبيلة = بني رشيد اللي تحل الشكالي
ياحب نفسي للرجال الجميلة = اللي معانيها هي شف بالي


الشاعر شباط الظفيري :

وله قصيدة ونختار منها :


من لابةٍ يفرح بها كل معسور = بني رشيد بطيبهم واقفيني
واللي هقا فيهم من الناس مسرور= والطيبين بذكرهم بينيني
تاريخهم في صفحة المجد منشور = على طريق العز متكاتفيني


الشاعر عقيل الشمري رداً على الشاعر عبد العزيز علي الرشيدي :

يالله يا علام ما يخفي البال

بديت بأسمك يا عظيم الجلايل

ومن بعدها نبدي على رد مرسال

لابن الرشيدي وافيين الخصايل

نعم بكم بالقدم ماضيين الأفعال

من فعلكم تشهد جميع القبايل

عدوكم يشرب من السم منهال

وسيوفكم عطسا على كل عابل

صحيبكم ما يشتكي ضيقه البال

ينسى أهله مع طيبين الحمايل


الشاعر مساعد الحربي :

يا حسر من ماكرٍ حرار عناتيت

بني رشيد مفرقين الولائي

ولا جانها رفيه للجميع تشتيت

وصاح الصياح وثار عج الخفافي

لعدوهم سم ذحاح وحلتيت

ومطوعينة بالسيوف الرهافي

نعم بهم وبمدحهم ما نقاصيت

عن مدحهم تقصر تعابير قافي

الشاعر عبدالمحسن بن نعس بن دهيوب الشمري :

وله قصيدة في مدح عبدالله مساعد البغيلي :


يابن مساعد طيب الجد والخال = من لابةٍ جزل العطا هو مناها
من ماكرٍ بالطيب يفعل وفعال = صعلول الرجال اللي تناحي عداها
عقب البغيلي يا ثوا غالي المال = جزل المواتر ماتكفى عطاها
من لابةٍ ما طاوعت كل عذال = يوم القوامة حقها من خذها
بني رشيد اللي بها المدح ينقال = عز الرفيق ليا كدابه رشاها


الشاعر سعد بن حميدة الحربي :

له قصيدة يمدح بها فارس من المضابرة وهو ابن حنيه في معركة محيوة ونذكر منها :


ابن حنيه يعتزي باصل عريب = حظه كبير وبندقه قد جابها

وهنا الشاعر مطني رسام الشمري يقول في بني رشيد :


بني رشيد تبذل المال والزاد = واليا لفاهم الضيف قالوا هلا به
وشيوخهم تعطا السبايا بلا عداد = ومن صار بوجه نحورهم الذيابه
ودليم أبن براك نعمٍ بلا عداد = راع الفعول الطيبة والنقابه
فتح سلومٍ طيبة وبالفخر ساد = شيخ الشيوخ وكل ربعه تهابه



وقد قال الشاعر شليويح غازي الحربي
مخاطبا حمود بن سرور الرشيدي في قصيدة طويلة نذكر منها:

انتم شداد العز وانتم ردوفي =قبيلة لها بالمغاريف غراف


الشاعر الطريسي الحربي :

تلقى بيوت اللي يهلون بالضيف

مفروشة للضيف زل الزوالي

بني رشيد مفرقين المواليف

منزحت نشر الحريب الموالي


الشاعر ذعار بن الحويلان القحطاني:

بني رشيد أهل الكرم والقوانين

قبيلة ياطيبها من قبيلة

أنتم مهدين الصعب والشياطين

قبيلكم ما هو بيبري غليله

وقال الشاعر سماح العنزي ..

قبـل ماأبـدا اقــول بـاسـم الله رب العالمـيـن الالــه الـلـي اعـبـده واصـلـي لــه واصـــوم
ومـن بعـد ذكـر الله اقـول قـولـي واستعـيـن اسـألـه باسـمـاه وصفـاتـه الــرب الـرحــوم
نـاصـر المظـلـوم مــن جورظـلـم الظالمـيـن كـــل مابـالـكـون يـفـنــى وهــوحــي يــــدوم
واحــدن فــرد صـمـد لــه عـبـاده سـاجـديـن جل من فـي قدرتـه بالسمـا مرسـي النجـوم
اطـلـبـه يـجـعـل لـنــا حـــظ عـنــد الطـيـبـيـن شاعرن من عرض شعار مدعـي ومعـزوم
ليـا دعونـا أهـل الـوفـا بـالـوازم حاضـريـن واستجبت لدعوة أهل الوفـا حسـب السلـوم
جـيـت اشــرف حفلـكـم ياكريـمـيـن الـيـديـن ياسـلايـل عنترةالعبـسـي مـرويـن السـهـوم
يـابــنــي رشـيـدلـكــم الـقـبـايــل شـاهــديــن الـخــوي تـثـنـون دونـــه بـحــزات الــلــزوم
تكرمـون الضيـف والجـارفـي مــر السنـيـن والـدخـيـل ليـانـصـاكـم مــعــزز ومـحـشــوم
وذي عـوايـدكـم مــــن عــصــور الاولــيــن تاقفـون بوجـه مـن كــان نفـسـه بــه تــزوم
فعلكم معروف والناس باللي نقوله عارفين قـــول يـتـلـي فـعــل بالازمـةمـاهـي عــلــوم
وخيرما قلنـاه صلواعلـى شفيـع المسلميـن عــد مــا يمطـرمـن الـمـزن هـتـان الـغـيـوم



وقال الشاعر لافي جلعود الشمري ..

لبيـت دعـوة طيبيـن المواجيـب
أهل المـروه والنفـوس الحبيبـه
وعاداتنا نجزأ هل الطيب بالطيـب
بإخلاص جاه وفـي معـزه وهيبـة
ومن بعد هـذا ياكـرام الاشانيـب
أحـلا المعانـي وأبهجـه نبتديبـه
حضرت ضيف وفي حفاوة معازيب
بني رشيد أهـل الفعـال العجيبـة
اخصهـم بازكـا تحيـه وترحيـب
مابان نور الشمس واغرب مغيبـه
بسلاماً اجمل من فيـاظٍ معاشيـب
قفـراً عـذيٍ نبتهـا ماوطيـبـه
فوقه نشت غر المزون النواهيـب
برقه يرفرف والرعد لـه حطيبـه
وهلت هماليـل المخايـل سواكيـب
وغطا المطر عشبه ومشى شعيبـه
صار ايتجارا سيلهـا بالجراجيـب
وكبدٍ شكت يوم العطـش ترتويبـه
لا شافها من بان في راسه الشيـب
طق البهام وصـار يذكـر حبيبـه
دنق وكثر بالهجـوس التحاسيـب
علـى شبابـه فـي ليـالً مشيبـه
على زمانٍ لا مصـوت ولا مجيـب
فرق قريبـاً وابعـده عـن قريبـه
يذكر شبابه يـوم يرقـا المراقيـب
وهقـوات عزمـاً دايمـاً يرتهيبـه
يمشي على رجله كما يمشي الذيب
ويمسي بـداراً والسبـاع تعويبـه
واليوم جنب بعض الاحوال تجنيـب
ماهـو رداء ميـر النوايـا تعيبـه
شاف التغير دون شـك ولا ريـب
وخـلا حلالـه والغريـس وقليبـه
والا هوى نفسـه يشـم الاهابيـب
وصيد الضباء وارقاب راس الجذيبه
وسوق البكار مقطفـات النبانيـب
اللي كمـا السكـر لـذاذة حليبـه
اقول هـذا نـوع ذكـرا وتعقيـب
لأخبار وقتاً تقـل صـارة غريبـه
ذكراه يجعـل بالضمايـر نواتيـب
ويجرح ويبري للجـروح العطيبـه
ولايلومني من له بالايـام تجريـب
ومن قال وين ايامنـا ويـن هيبـه
راحت سراب وضاع فيها مطاليـب
بيـن الامانـي والامـل والغليبـه
وجدي عليها وجد والوجد مايثيـب
داعي عزيز.ن. صار تحت النصيبه
يا آل الرويضي طيبين المواهيـب
يفخر بكم شهـم النشامـا واديبـه
من عزوةً طبعه تصـد الحواريـب
على الخيول وفوق كـور النجيبـه
لهم بوقفـات النشامـا مضاريـب
مايهتني في زيـن نومـه حريبـه
وخويهم والجـار وقتـه تطاريـب
والضيف ما يقابل بنفسـاً غضيبـه
يلقى هلا يلقى بشاشـه وترحيـب
مايلحقه خـوف الامـور المريبـه
اقول حق ومضهر الحـق مايخيـب
بني رشيد سيـوف مـن ينتخيبـه
لا قل حلو المـاء بحـر الواهيـب
على صويباً فيـه حـل المصيبـه
وردوا وصفوا خابثات المشاريـب
قول وفعـل ياعـز مـن يعتزيبـه
والى غدى الرصاص مثل المشاهيب
وكثر العدد بين القتيـل وصويبـه
نلقاهم اللـي يتقنـون التصاويـب
وغاراتهـم ياكـم شيـخ يغديبـه
والجود ماقالـوا دراسـه وتدريـب
طبـع النشامـا والدوينـي يهيبـه
وعبدالله المبروك معروف بالطيـب
ومبروك يشهد له مديحـه وطيبـه
عنـد الاقـارب كلهـم والاجانيـب
الجود عيبه كان هو صـار عيبـه
رمز الوفاء والمرجله له مكاسيـب
وكـل الفعـال الطيبـه يعتنيـبـه
بالدين والدنيـا علومـه غواليـب
والدين ينصر كـل مـن يحتميبـه
وصلو عدد مايعلم الله مـن الغيـب
علـى نبيـاً سنـتـه نهتديـبـه

وقال الشاعر عبدربه العتيبي


عـلاك الله وأمانِـه ياقصـيـدي
مـن الـزلات وهـروج البليـدي
أبا أبـدع بـك طـروقٍ سامريـة
لحنها يجذب اللـي مـن بعيـدي
ماغناّهـا عبـادي وأبـو نـورة
ولا خالـد ولا عبـد المجـيـدي
لكـنـك لا تفشّلـنـي دخيـلـك
تراني معتبـرك أغلـى رصيـدي
ما أباك من المعاني هـرج فاضـي
ولا عـذرٍ لمـن يطلـب جديـدي
أبـاك تصيـر ذخـرٍ لاعدمـتـك
وسيفٍ مثل سيف ابـن الوليـدي
وأباك ليـا نشدنـي عنـك خيِّـر
تفيـده كـان يبـغـا يستفـيـدي
تفيـده بالحـكـم وألاّ النصـايـح
وعطه العلـم والـراي السديـدي
وقلّـه ياولـد دنـيـاك هــاذي
تراهـا مثـل تكويـن الجلـيـدي
لعنهـا الله وأبغضهـا رسـولـه
ياكم فيها شقـي وكـم سعيـدي؟*!
مايمدحهـا سـوى رجَّـال جاهـل
يجمّعـهـا لعـلـه مايـفـيـدي
ولا منّـك طلبتـه شــئ عـيَّـا
شحيـحٍ مـا يمـد ألاَّ الزهيـدي
عن الماجـوب ماغيـر ايتدسّـس
وعلى الغـرّات شيطـانٍ مريـدي
سوات الحصني اللي طول عمـره
يـروّغ لا يصـاد ولا يصـيـدي!
وحكيـم العقـل يعـرف خاتمتهـا
تواعدنا وتكـذب فـي الوعيـدي
متـاعٍ عنـد خلـق الله مـوقَّـت
كما وقـتٍ يجـي فيـه الزبيـدي
مافيهـا غيـر ثنتـيـنٍ خـيـارا
وثالثهن تـرى ماهـوب أكيـدي
ذكـر ربـي ومحبوبـه محـمَّـد
هي أفضل شئ في دنيـا العبيـدي
وثالثهـن ليـا مـاخـاب ظـنّـي
مخـوّة طيّـب الأصـل الفريـدي
هـذاك اللـي يـعـزّك مايـذلّـك
لاصارت خوّته خـوّة رشيـدي!!
بدون قصور فـي بـاق القبائـل
هل الطـالات والفعـل الحميـدي
هذا عرفـي ومـا يمليـه رايـي
وعرفي كان مـا ينقـص يزيـدي
لكنـه مايزيـد اعـن الـعـوارف
أنا أردا واحـدٍ عـرف وقصيـدي
أقولـه ماعلـيّ مـن المـلامـة
أنا أعرف وش رداي ووّيش جيدي
ولا أخشى من فـلان ولا فلانـي
ولا أناديـه ياعمـي ياسـيـدي!
ما أخاف ألا مـن الخـلاّق وحـده
غفور الذنـب وعقابـه شديـدي
تـرا هـاذي نصيحـة واقبلوهـا
مادام الموت في حبـل الوريـدي
وخيـر القـول كلـه طاعـة الله
ياويل اللي عـن اكتابـه يحيـدي

يمنع وضع روابط المنتديات الآخرى

قصيده صوتيه لبني رشيد سلايل عبس لمبارك الشوباش الشمري


الشاعر جابر الجعدبي العريفي الظفيري:

له قصيده ذكر بالقبايل نورد منها ماذكر في بني رشيد ..

وبني رشيد اهـل الفعـول الرشيـده
رشايـده بالطيـب نـعـم البـديـده
علـى المعـادي خاتمتهـم شـديـده
لا جات مهمات الفخـر فعلهـم بـأن
........
رفيقهـم لا صـار ضايـق ومهمـوم
الكـل منهـم فـي ملازيمـه يقـوم
الـي يعيـش بقربهـم دوم محشـوم
افعالهـم دايـم جزيـلات وسـمـان


الشاعر صقر بن زايد الثعلي الروقي العتيبي :


أنتم هلا الطالات وشب وشياب= عدوكم يارد حياض المنية
وانتم ليا من الشفا عضه الناب = كل القبايل مارزتلك رزيه
أقولها وامدح طويلين الأشناب = أهل الكرم والجود وأهل الحمية
لو كان عند سجلٍ للأنساب = نسجل اللي نسمعه ماعليه
واليوم حنا فوقنا ستر وحجاب = في ظل دولتنا جلسنا بغيه
واهدي صلاتي للنبي سيد الأحباب = رسولنا اللي حرم الجاهلية


الشاعر جبرين بن محمد بن صويلح بن ثعلى الروقي العتيبي :

هات القلم واكتب من القول ماطاب = للربعه اللي بالمواقف قويه
حييت ياكاتب وحييت ياكتاب = حيثن راع الخط له مقدريه
قدره عزيز وعندنا بألف ترحاب = اليوم ولا قبل في الجاهلية
أقول قول الصدق وارجع للأنساب = انسابكم في نجد ماهي خفيه
وانتم لكم في نجد مظهر ومضراب = بالطيب يعرف يارجال الحمية
وانتم ليا جات اللزوم أم غصاب = افعولكم تعرف ولاهي غبيه
وانتم ليا من الشفا عضت الناب = تردون حوض الموت ورد المنية


الشاعر محمد العطوي:


عسى الحيا يروي ديار الكريميـن
بني رشيـد اللـي نزلنـا وطنهـا
جينا من الديره عطاشـا محيليـن
والبدو ماتلحـق جرايـر ضعنهـا
ساعة نزلنا في ديـار الشريفيـن
عزاز النفوس اللي يـذري كننهـا
اسقـوا غنمناوالبهـم والبعاريـن
وطابت نفوسٍ ظيمها قـد شحنهـا
صاروا لنا أطيب من بنيخي قريبين
جيران والجيرة عطونـا ضمنهـا
بجوارهم عشنـا كـرام عزيزيـن
مدة طويلـة مـا يحسـب ثمنهـا
عاشوا على الشدات والعسر واللين
بني رشيد رجال تحمـي وطنهـا
للجـار حلوينـن وللضـد مريـن
وقبيلةٍ ياسعـد مـن كـان منهـا
قصيدة للشاعر محمد بن سالم العطوي


في النهايه اتمنى اكون وفقة بهذا الموضوع لقبيلتي التي اعتز بانتمائي لها وقبلها كمسلم اعتز بدين الله وسنة رسوله صلى الله عليه وسلم ..


اخواني في المنتدى وجميع المنتديات ..

وفقــــني ووفقــــكم الله بما يرضيه ..

المصدر: ..ٌ::ٌ:: النسابون العرب ::ٌ::ٌ.. - من قسم: مجلس قبيلة الرشايدة

---

hauhv td fkd vad] ufs

ونعم بكل القبايل واشكرك على النقل

شـكــ وبارك الله فيك ـــرا لك ... لك مني أجمل تحية .

كل الشعراء هتيم لاعلاقة لهم في الرشايدة عيال الدعيجي وهل مصدق نفسك ان الرشايدة لهم علاقة في بني عبس الوهمي ماتستحي على وجهك من كذبك