قصيدة فخر ثمالة


بدايتنا بخير ونبتدي بسم الله الرحمن يظلّّلنا برحماته وهورحمن بعباده
توكلنا على المعبود مولانا عظيم الشان ومن يعقل ويتوكل على الله حقق مراده
أصوغ ابيات شعري باقتدار ومن فكر ولسان ولاهي من كلام(ن) نسنده ونضيّع اسناده
أباصرّف بيوت الشعروابنيها على ميزان وانا ادري ان الشعر يقفاه قفارة ونقّادة
أبكتبها وانا مرتاح لاريّض ولا عجلان وعدّالمعرفة ماخانني دلوه ومجباده
يقوله من جلس بين المراجع يكتب القيفان ولايكتب وهو مابين فنجاله وبراده
سمعت الدعوة اللي وجّهت للشعر والميدان وقرّرت انظم ابيات الشعر ويعدّعدّاده
أنا ماجيت لاجل الجايزة كاسب ولا خسران لكنّي جيت مثل اللي يوثّق سيرة اجداده
ثمالي رافع(ن) راسي واعلم جملة العربان ويكفيني لقب جدي ولاابي غيره زيادة
أضمّنها بتاريخ القبيلة كان ياماكان عيال الأزد حلوا في جفن ساميه واوهاده
مشوامن دارهم بعد انهيار السّدّ والطوفان أبى المجهول يثني عزم راعي العزم واولاده
بني كعب ابن عبدالله بن مالك على البرهان لفوا سادة وبعد الحلّ صاروا سادة السادة
رجالٍ سابقت للعلم والتوحيد والإيمان وكان سباقهم خارج عن المالوف والعادة
أصالة من أصالة والسلالة من نسب قحطان شنوءة لازم خطام البعير وموثق شداده
رجال جهاد واستبسال ضد الشرك والشيطان يهينون الصنم واهله وزوّاره وعبّاده
لهم موقف مع محمد بوجه الكفر والطغيان على ظهر الخيول بدعوة المختار وجهاده
بهمّتهم تحوّل جفن من قفرا الى بستان وصارت مثمرة بالخير والخيرات منقادة
بنوا بنيان والتاريخ دوّن روعة البنيان بقي تذكار والزّوّار تعناله وترتاده
ليامريت دار استقبلتك حصون فالمزبان زبن فيها عقيد القوم يوم الغزو بافراده
فوارس حرب وقت الحرب لاتغلب ولاتنهان ثمالة من قديم الوقت قوم الحرب واسياده
رجال السّلم لوغنّى حمام السّلم بالألحان رجال(ن) حاسبه حرّ الزمان وتحسب براده
لهم في صفحة التاريخ تسجيل(ن)وله ضمّان عليها بالمداد بصفحة التاريخ شهّادة
أنايوم اذكر الثملان ماني موفي الثملان ولاني محصي الأعداد للرواد والقادة
تذكّرنا بني قرط الرجال اللي ثنين اخوان أحدهم يوم يروي لانقص قوله ولازاده
والآخر في ولاية حمص مافولايته جيعان صفاته خلّته يمتاز بين الناس وانداده
وكما حجاج وغضيف ومنيذر نعم بالجدان رواة وكل منهم للمغازي مسرج جياده
مصادرهم رسول الله وماينزل به القرآن أمانة ياثمالة بلغوها كل نشّادة
ولوقلت المبرّد مشتهر معروف فالاوطان عميد اهل الأدب يوم الأدب مشروبه وزاده
تسيّد فالعصور الخالية من ماضي الأزمان نهل من علمه الغرب ونهل من علمه احفاده
قبايلهم ثمان اقسام والمبنى على سيسان ليالاحت بروق المعتزين تحن ّرعادة
أباقول آل ساعد علمهم له ذوق واستحسان كرام ونارهم فالجود واللّقوات وقّادة
لهم وقفة تشرّف يوم صد الغزو والعدوان حوتهاذاكرة غيّاظ مامالت به حداده
واباقول الطوال اللي عريبين وطوال ايمان لياجاها الحريب تروّقه وتوثّق قياده
رياجيل المشوّك ساعة الحبة على النيشان ليامالت على العدوان والعدوان منصادة
وبني مقبل هل النخوة لياثاروا كماالبركان ليامن ثوّر البركان مايلقون خمّاده
هل القالات والطالات قوم(ن) تكرم الضيفان وجيهٍ بادية ماهي عن الميقاف صدّادة
وسلالة زيدربع(ن) فاللوازم تروي العطشان هل الميقاف فالسّرّا وفالضّرّا وسدّادة
ولاتنظام قوم(ن) بينها العراف والشيخان لهم شيخ(ن) حليم ومتّزن معروف بحياده
وعيال سويد والله والنعم ياالعزوة الشجعان هل الفزعات والنخوات وقت الكيد كيّادة
نعم بالعزوة اللي يحفظون الودّللجيران أهل فكر وشجاعة واهل مبدىريع وريادة
وبني ضبعان يامظلوم لاتنسى بني ضبعان تراهم ينصفونك في زمان(ن) قلّوا اجواده
عساكم للسّعد ياالعزوة اللي تحمي الحدّان لكم بصمة شرف في مقدمات الوقت وجداده
وعيال المشيخي يااللاّبة اللي ترضي الزّعلان عزيزين المقام وبانية ماهي بهدّادة
رجال الحكمة اللي فعلها يوم الفعايل بان وحنا نعرف الرجال ساعة نعرف اضداده
وعيال عمر على وجه الرجل مرسوم الاطمئنان على جال الكرم والطيب صدّارة وورّادة
تكرّم من لفا والضيف مايسري وهوطيان يبي يثني عليهم من لفا طرقي وروادة
ثمالة يارجال العزّزان المدح فيكم زان لياقامت ثمالة شفت حوّالة وشدّادة
لهم مني جزيل الشكر والتقدير والعرفان وكلّ(ن) من ثمالة في زمانه حقق امجاده
رجال(ن)ذكرها في ساحة الأبطال والفرسان ترى رجالهم مذكور في موته وميلاده
لهم هيبة ولورجّالهم جثة على العيدان يهاب جنازته حتى مشيّعته ولحّاده
ولهم عزم يهد النايف اللي ثابت الاركان عزايمهم ترج الضلع لين تخلخل اوتاده
منازلهم بوادي جفن ياناشد عن العنوان لهم فيها بلد يوم ان كلّ(ن) يذكر بلاده
مساكنهم من الفرعة لياجرجة ليااللحيان ليادار المضيق وعلمنا موكود بوكاده
وفي دار الحنو والحايط ونمرة لهم مسكان ديار(ن) ماوطاها غير اهلها ناس معتادة
ومن الشطبة لياوادي السديرة واطلع الريعان ومنها ام العراعر يوم كل(ن) مقسمه فاده
وذلالة والسويمة والسبيل وقبلها الجلان يدين اصحابها للخير زرّاعة وحصّادة
وانايوم اذكر الثملان ماانسى ربعي الثّففان ثقيف اللي نهار الحرب عداية وجرّادة
ثقيف اهل الشهامة والكرم شبّابة النيران علم والنارفي راسه والادنى يقدح زناده
ترى الثملان والثقفان مثل الزند والصوان لياولّع شرارة مابقي طلعة ومعنادة
على مرّ الزمان ولاطوتهم صفحة النسيان معاديهم ليابانت بيونه يلزم الهادة
ألاياصقر ياشيهان يااللي رفّ بالجنحان تبلّغهم تحياتي ولايلقاك حسّادة
تبلغهم سلام(ن) عطره من المسك والرّيحان وقول الرجل علّق مجدكم في صدره قلادة
وصلى الله على اللي دعوته عمّت بني الإنسان وبلّغها بامانة والمعاند ضرّه عناده

rwd]m tov elhgm rwd]m tov elhgm