السلام عليكم ورحمة الله وبركاته
ربما يكون عنوان الموضوع قوي بعض الشيء ولكنه يمس ما اشعر به اتجاه بني قبيلتي
بداية: أنا بنت من الإمارات عمري 30 سنة إماراتية الجنسية
مرية تحديداً من ( بن حريز )
عيال حمد اللي هاجر لحضرموت اثر خلاف مع عيال عمومته وتزوج و جاب حريز
المهم يا أخواني ما جيت المنتدى إلا من قهري بقولكم السالفة بأختصار
مثل ما قلت نحن من بن حريز للأسف اجدادنا الله يرحمهم ما كتبوا بجوازاتنا (المري)
فالمتعارف عليه بالإمارات ان نحن قبيلة بن حريز فقط و المري مالها اي ذكر بأوراقنا الرسمية
من سنتين تقريبا بدأت الجهود واضحة في محاولة إضافة اسم القبيلة للجوازات وكل الوثائق الرسمية
و للأسف كل الجهود و المساعي متعطلة بسبب عدم رغبة قبيلة المري ساكنين الإمارات بالمثول
لشهادة بأن بن حريز من ال مرة .. سؤالي للي رافضين وينكرون انتسابنا للمرة على اي اساس
تنكرونه ليه ما تبونا؟! تنكرون اصلنا ليه حرام عليكم كل مصالحنا متعطلة كل ما جيت اسجل
بمكان قالوا وش قبيلتج ؟ اسكت واقول بن حريز كيف اقول المري ومافي شي مذكرو بهويتي
كل شي متعطل كل مصالحنا وش بتخسرون اذا شهدتوا وش بتخسرون ليه تقولون ان نحن مش منكم ليه
وش بينقص منكم اذا اعترفتوا فينا وش بينقص .. ما كتبت كذا ولا سجلت هنا الا من قهري
نفسي يجي يوم واشوف اسم قبيلتي مكتوب بهويتي و جوازي ليه تحرمونا من ابسط حقوقنا
صح غلطوا اجدادنا انهم ما كتبوا بس لا تصيرون انتوا بعد مشاركين بالغلط ..
اتمنى توقفون وقفت رجال و تساعدونا بالموضوع و ترى حنا كثير بالامارات
بن جوفان / بن سلطان / بن محفوظ ..الخ.. كلنا بن حريز
اتمنى صوتي يوصل للكل
glh`h i`h hg/gl dh udhg fkd lvm ?!
مواقع النشر (المفضلة)