هذا ما اعرفه عن الشيخ ابراهيم
يقال انه نشأ في الفتيح ودرس العلم على يد الشيخ ادريس ود الارباب بمنطقة العيلفون وواصل تعليمه في سنار علي يد الشيخ النور التنقاري (عقلي) وتلقى عليه العلم ويذكر انه كان لا يشارك الطلاب في جلب الحطب للمسيد (الفزعة) لصغر سنه اشتكوه التلاميذ على الشيخ بان ابراهيم لا يشاركهم ولا يذهب معهم البحر لملء الاباريق (الركو) جمع ركوه وهو ابريق من الطين
امره الشيخ بان يذهب معهم الى البحر لملء (الركو) الاباريق للخلوه وعندما وصل للشاطيء وبعد ان تمت تعبئة جميع الاباريق قال إبراهيم للطلبة صفوا الركو صف وقام ابراهيم باحضار مطرق وضرب الاباريق بالمطرق تحركت الاباريق ومشت امامهم الى الخلوه.

اخبروا الشيخ بما شاهدوه فقال لهم الشيخ النور التنقاري لا تسالوا ابراهيم وقام الشيخ باجازته بالعلم وذلك لظهور الكرامة ويقال انه تزوج في سنار ودفن فيها .

في يوم من الايام ابونا الشيخ ابراهيم العقلي في احد المجتمعات مع مجموعه من الناس فجاءه الناس شافوهو يتشابي

بامشاط رجليهو ويعاين فوق ولما الناس سألوهو قالو ليو انت لي بتعاين كده عايز تشوف شنو قال ليهم انا ما قادر اشوف

باقي الكعبه المشرفه زيكم شايف جزء بس منها هو اعتقد انو الناس كلهم شايفين الكعبه واستغربو الناس المعاو كلهم

لانو اساسا هم ما شايفين الكعبه هو بس الشايفا وسبحان الله ودي فعلا احدي كراماته الانا سامعه بيها من اهلي الكبار




hgado hfvhidl hgurgd