اعرف التفاصيل وما تصدقش مانشيتات الجرائد.
✅ التطعيم حاليا بيكون فى إطار التجربة.
✅ أثناء التجربة بيتقسم المتطوعين لمتطوعين عندهم كورونا
(بدرجات شدتها) ومتطوعين آخرين ماعندهمش كورونا.
✅ وبنعمل التطعيم منه نسختين (نسخة تطعيم حقيقية ونسخة وهمية)
✅ وبنبدأ التجارب بدون ما نعرف الأطباء ولا التمريض
ولا المريض نفسه هو هاياخد اللقاح الحقيقى ولا الوهمى
(يعنى الطبيب بيدى التطعيم للمريض ومايعرفش إذا كان حقيقى ولا وهمى).
-----
✅ طب ليه بنخبى على الناس؟
عشان نمنع أن الأطباء والمرضى يقولوا رأيهم بناء على العاطفة ..
يعنى تخيل دكتور مش مقتنع باللقاح ممكن فى متابعته للمريض يقول اللقاح بتاعكم ما عملش حاجة.
ولو دكتور متحيز ممكن يقول ده الرجل كان بيموت واللقاح أنقذه . وهكذا.
------
✅ طيب مين يعرف البيانات دى؟
الشركة المنتجة بتدى كل أمبول تطعيم كود سرى بيبقى معروف شفرات زى كده :
- تم إعطاء لقاح وهمى كود ٧٦٥ لمريض يعانى من كورونا شديدة عمره كذا فى مستشفى كذا ..
- تم إعطاء لقاح حقيقى بكود ٦٦٥ لشخص لا يعانى من كورونا عمره كذا مستشفى كذا...
✅ الأكواد والبيانات دى لا يعلمها إلا الشركة المصنعة والعلماء المشرفين على التجربة.
-----
🚩 أمال الستة اللى ماتوا دول ايه؟
✅ الستة اللى ماتوا الشركة عرفت الكود بتاعهم وتبين:
🔔 ٤ كانوا خدوا لقاح وهمى (مياه يعنى)
🔔 ٢ كانوا تلقوا لقاح حقيقى كان منهم واحد عنده كورونا شديدة.
✅ يعنى ٤ ماتوا مالهمش علاقة باللقاح لأنهم خدوا مياه مش تطعيم
وواحد توفى بسبب حالة الكورونا السيئة قبل اللقاح.
والأخير كان وفاته ليس لها أى علاقة باللقاح.
--------
✅ يعنى من الستة دول يعنينا
شخص واحد خد تطعيم حقيقى ومات
ووفاته ليس لها علاقة بالتطعيم.
----
✅ ده كان شرح بسيط لكم عن التجارب وازاى بتتعمل
وعشان ما تصدقوش أى جريدة بتكتب مانشيت لمجرد الحصول على متابعات.
ربنا يحفظكم ويحميكم
--------------------موقع ZaDoctor
مواقع النشر (المفضلة)