جتني
المسا في طريقي منتظر حدا الجماعة
جَت من غاد غايرة تقرع إِقراعة
كما يغير الذيب يديه تسبق كراعه
جتني قبل غروب الشمس بربع ساعة
مع هبة الريح وتحمل اللي نحب استماعة
هبة لايمتني ولملمت خير البضاعة
اشوفه تلفي من بعيد مجاز بس مهي أَشاعة
تعمدتني تقصدتني وعليَّ انجضاعة
يا ذاهبة مع الهوا ودار الهوا اتساعه
موالفِة مخالفة بين صده وارتجاعة
فوق راسي تدحرج تبكرج كنه إِلفاعة
هقوها من اللي يمل من الخير إِنتفاعة
تفعفل تكعفل وهذه إِلبطباعة
جتني وكنه تخشى علينا الضياعة
جاية تململ تفلفل خايفة يوم الفزاعة
جت قِدامي هَدَت وحطت اشراعة
وزحت انا اقدامي للخلف ودي ارتجاعة
تركض عليَّ بخفة ووداعة
حُشتها وتنحاش مني يا جماعة
والحقها والريح يمارس خِدَاعة
لحقته وبيدي رفعتها يا اغلى متاعة
حملته والله وحملها لله قرب(ن) وطاعة
وفرشت لها عظامي وكل الاضلاعة
ونفضت عنه كل الوان الشناعة
عج وتراب وملح الدلاعة
الندى ومجموعة اجراعة
ندية هدية جميلة حاشاها من البشاعة
قمت عليها قَبَلتَه ويا للفظاعة
وبَوَستَه وضميته ع صدري بخشوع وخشاعه
وعلى راسي حطيته بحرقه وشوق(ن) والتياعة
ومن عطري عطرته عطر مسك القناعة
هذه آية من قرآن ربي وكل الآيات مُطاعة
كلام ربي مكتوب بأحبار النجاعة
كلام ربي سر الايمان في كل ساعة
كلام ربي أَجدد بها اشجاني واندفاعة
ورتبت عليها ضاد(ن) من تميم وقضاعة
بيدي صفطته وهذا فعل من الافعال المُضاعة
مطلوبي وطالب عند الله قُربى وشفاعة
وفي جيبي اودعتة ويا زين الاوداعة
كلام الله عبادة وتوحيد ولزوم علينا اتباعة
تغزيني هواجيس واحلام وكلام الله طاير بليا مناعة
ولَمَه فرصة للي يطلب العلا وارتفاعه
الموضوع من بنات افكاري تم ابتداعه
وحلم لحين تحقيقه وده تنقيح(ن) مع طباعة
وهالفكره من وحي الواقع تم انتزاعة
لصار آيات ربي ومخطوط الورق بالطرق مع الباعة
كيف الله يفزع لنا يوم الفزاعة
اوراق سوداء وذي نوع من انواعه
ذي اوراق الرويبضة والمسلم تم انخداعة
حدث موجود معدود مولود ع مدار 24 ساعة
كلام ربي اداب مهجورة في برامج الوعظ يا اذاعة
الازدحام يجيب هم الجزع وانجزاعه
وطول المسافة تهد الود وتزيد انقطاعة
وهذه مشكله يعرب صعب اجتراعه
كل المسلمين تحاول حل ازمات الطباعة والصناعة
الله يعز كلام الوحي ويديم علينا اتباعة
كلام الله منار الحياة يلصف وبان التماعه
‏فطرتنا نخاف وجب علينا لله انصياعه
وأخوف ما علينا دون قصد مفارقة الجماعة
من واقع تجارب مريرة صارت وكلها قدر المُستطاعة
امة محمد عليه صلوات ربي راعي مقام(ن) عالي ارتفاعة
صارت مرتع للفتن وسود الله إِقرى اللي يزرعها زراعه
حتى الاسماء والاشكال واخطاء الوان الطباعة
خلتنا في وجع راس(ن) وانصداعه
يا رب وحنا نرفع اكف الضراعة
ترزق امة الاسلام عز(ن) ومجد(ن) يا مصدر شعاعة

[jkd