العز
يبحور الشعر نزي بطون القوافي نَز
نزي زين الكلام كما عين الما تِنِز
العز يمدور العز للي نفسك تِعِز
عزها وعن الناس فوق والخشم مِعتَز
العز مينشرى بالواسطات والدَز
ولهو دفع خاوة تدفع لها عَجز(ن) على عَجز
ولهو يجيك الخاين المِبتَز
ولهو نقو البضايع مثل خَز النعاج خَز
العز عز نفسك والراس فوق يباري حُمر النِعَم فَرز
العز نقو الضمير يوم الضماير تِفُز
اياك يمدور العز ثم اياك ع الظلم تِلتَز
حتى لو كانت عظيم العطايا والجوايز
حتى لو انطوك الذهب والماس يَلّمَز
العز في ردة الملهوف تبني عز(ن) على عِز
العز يِعِزك يوم(ن) لك الناس تِلتَز
العز عِز المعزب للضيف في نسرية بردها يقص البرونز
العز طبع الذي لشاف الضيف من غاد يفِز
العز عِز الضيف والمعَزِب خادم(ن)للحطب يِوِز
العز ماهو غيبة ونميمة واكل لحم الخوي مترز
ولهو اكل الدايت والقمح واسود الخبز
العز درب الشهامة للي بنفسه تِحز
وذا لا يحتاج من يربح المليون ولا يحتاج كِنز
يحتاج طيبة النفس واللي عليها مكتنِز
العِز مهو لبس كِبر وردون الشياكة والعباة تِهز
ولهو لبس الشماغ بسام والعقال مِرعز
ولا هو جمع الدراهم وحساب بالبنك دولارز
ولا هيلمان وصولجان ولباس مِستِفِز
ولهو ركوب اللاند جيب احمر اللون لكزز
ولا هو رش العطور بالخص لَبِيدِز
ولهو القميص كاجوال والبنطلون جينز
العز مهو لبس الحرير والحرايري دودة القز
ولهو خرطوم ارجيلة والمعسل عليها تمز
يا مدعي العز لا تخلي قبيلك من كلامك وشوفتك يقِز
العز مهو طاح سنام الجمل وركوب الجمز
ولهو تبعي تفاخر الشيفر ويلحقها مرسيدس البنز
العز سمن الغنم لصار منقى من الزيت والكنز
العز عز القطن ممشاه مع صوف الغنم والجز
العز عز الرحول في البراري وهودج(ن) ينهز
العز مهو كرت لمآدب التشريف ناس عن ناس يندز
ولا هو تدافع تدافش ع دور الباص بين الدز والكَز
ولا هو تقليد قول العجم واز(ن) وإز
ولا هو معطي الظهر هوات مقفي قايلن طز
العز بعظيم الأجداد للعصامي لصار يعتز
العز يراعي العز سوالك وش اليوم للطيب منجز
العز مهو حشو الكروش وأكل اللحم والرز
العز ما هو يا شاري الصوت ومقعد النيابة مفرز
ولهو دوام روتين وتوقيع قلم الباركر مطرِز
العز منوحة الجار من بين الغنم خز
العز مركوب الشرف والعفف لو كان ينكز
لا رشوة ولاعمولة ولا تماشي الحال لاهل الجاه والرَمز
العز مهو لَمَّ الدراهم بالحيلة والهَمز واللمز
ولا كف فراش المجالس بسلق اللسان والعيون غمز
العز اوصاف وجينات بالدم مغروزة غَرز
العز دوم للطيب ابشر لقال تم وطايله مِجهِز
العز عز البكارج والهيل فنجال يسكب ومينهز
العز لايق ع اللي يليق به العز
يا الثبر يا الثِبت يبو الرمايم يا الطِبِز
العز مهو مشاع ولهو مشترك ولهو ناس عن ناس مِفرِز
العز مهو احاجي ولهو كلمات متقاطعة ولهو لُغز
العز عِز الدِين العز من عِز الله يمدور العز
العِز يوم تقف ع روس الخلايق بكتاب(ن) يِعِز
العز لنادى المنادي يفلان في ظل ربي اليوم انت تُفُز
العز على منابر النور لآلئ ونور والنور نور الله مجوز
العز لصرت على الصراط وتسمع همس الملك جُز جُز
العز لنادى ربي وين هل التوحيد وين هاجرين الرِجز
دون البشر وعلى يمين ربي وش من جلوس(ن) مُعز
العز مقعد صدق يوم الذل والعز هَيَّا قوم واحجِِز

hguA.X