اقول وترا القول قولي
ولا تِقَوَّل ع خلق الله
ولا اقول هم قالوا لي
ولا هي نكره بين فعل وفاعل
إعرابها امعَرف الجذر ع وزن(ن) فعولي
والله ما أحب الانتهازي
ولا احترم قام الوصولي
ولا اقرب اللي يقول
كان جدي وجدي ذباح الجزولي
ولا انا سوا مع اللي يقول
هذا ما قالت عني اصولي
وأَتقي عن اللي مهو بقوله
واللي عن قوله إعدولي
وادير ظهري عن الدساس
بلاس راعي الخشم الفضولي
وافض من راعي العين الحسود
خص لصارت عينه كيولي
عين(ن) تكيل الكيل و كيله
بليا حساب عين(ن) للردى ميولي
احترم راعي النفس العزبزة
واجل العقل الحكيم بعرضه وطولي
واعشق راعي المبادي
لقال ما همني لو ترفضوا قبولي
واعشق عاليات المواقف
وعشقي اكثر للهام الرجولي
رجال(ن) مثل الكتاب مفتوح
واضح التفاصيل وترتيب الفصولي
ما انا بالسباب ولا الشتام
ولا اقرب راعي اليد النطولي
احب اللي يطاول الطويل
ولا احب اللي يقول الطول طولي
احب راعي كلام الفتوح والنطوح
راع الكلام الحكيم لين السهولي
ادور الخوي اللي مع الغانمين
اللي يقدم الشكر والشكر الجزولي
وازله اللي مهو قد خوة الخوه
طماع بشاع جشاع تدثه إِرجولي
واشوم عن راعي النفس البخيله
واختصر القايل انا معتد(ن) بقولي
وما كل الفتاوي ع الصح تفتي
ارد ع فتو قلبي لو كل الناس فتولي
المواقف والتجارب مقصدي
وعند القصاص يبان عيب اللي رعوا لي
تشوف قلب المومن للايمان دليله
وهات إللي يقول ترا قلبي دلولي

hgo,d