[type=545298]
[frame="3 70"]



السلام عليكم ورحمة الله وبركاته



صلوا على النبي



قصيدة للشاعر المميز/ فهد بن عبدالله الرمضان






عادت الدنيا تدور ولاهـي بمطواعـه ^^^ إضحك بدنيـاك يامومـن ولا تأمنهـا

تجبـع الغافـل بشلفـاً باللقـا بتّاعـه ^^^ لاسلم حظه من أيسرها بلـش بأيمنهـا

هكذا حكم السنين إلـى قيـام الساعـة ^^^ إحفر لبلواك حفرة بالصـدر وإدفنهـا

من بغا روس المعالي لايمـد كراعـه ^^^ يسهج فجوج الخلا لين يتخـارج منهـا

واحدٍ ركبه علـى فـج المـدا قطاعـه ^^^ الحفـا يلحـا سماريهـا ويستمكنـهـا

ما لشدات الزمان إلا السمع والطاعـه ^^^ لق صدرك للهبوب البـاردة وإحظنهـا

شف رفيق الليل لاهاتـف ولا سماعـه ^^^ للسهر مرخي عيونـه عـادةٍ وأدمنهـا

للطروش اللي تمره مرخـيٍ أسماعـه ^^^ طيحة الدمعه بكفـه مـا قـدر يازنهـا

صارت الراحة طلابة والمنام طماعـه ^^^ لاحداه الوجـد جـر أبياتـه ولحنهـا

ما شكى للناس من همه وحر أوجاعـه ^^^ وإن شكى لامفرح العالم ولا محزنهـا

سلوة عيونه وونسة خاطـره وإمتاعـه ^^^ في كفوف الوصل من عاده خلي راهنها

البخيت اللي يصد إمن الهوى وأسناعه ^^^ الأمـر بيديـه لاكبـرت يدبـر عنهـا







وسلامتكم
[/frame][/type][frame="3 70"]
[/frame]

(( lk fyn v,s hgluhgd ghdl] ;vhui))